Mahabang Paglalakbay


Ang bawat hakbang may kahulugan at naisin
Sa kalsadang semento o espalto man,
Sa lupang kalye o gasgas sa kasukalan,
At pilapil sa mga gilid ng palayan.

Bawat hakbang ng paa, inaalay sa bayan.
Kaliwa’t kanang naglalakad ng may layunin.
Abante pasulong sa gitna ng paglaban-
Inaalay sa masang nasa kumunoy ng kahirapan.

Tinatabig ng paa ang mga damong sagabal.
Katulad ng pagtabig sa mga buwitre
sa iba’t ibang posisyon ng pamahalaan
hinahawi ng tungkod na kahoy ang mga batong madulas,
umiiwas at alerto sa mga tuod.
Tulad sa pagiging kritikal sa mga isyu ng bansa.

Patuloy ang paglalakad; minsa’y patag, madalas ay lubak.
Maging sa parang o bundok, sa dagat man o sa barrio ang tahak.
Piniling landas ng mga kasamang naunang naghawan,
dekada na ang lumipas.
Ngayon ay landas ding amin namang sinusundan.

Sa paglalakad minsan ay natitisod,
Sa haba ng lakad ay maswerte nang hindi mapulikat.
Ang pagkahulog sa pilapil ay parte ng rebolusyon!
Mapipilay sa pagkadapa, subalit babangon at babangon.

Kakayanin ilan mang paglalakbay
Aalon at susulong sa lahat ng lupalop ng bayan;
Magmumulat at magpapanday-
Hanggang sa wakas na atin na ang tagumpay!

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s